Cerimonie. Narciso?
Narciso. Son qua lesto.
Zanetto. Falo per do.
Narciso. La servo presto, presto.
Zanetto. Via, mascheretta, no fe la retrosa,
Cavève la moretta1;
Za no ghe xe nissun. Eh eh, patrona; (scherzoso
La compatisso, no la me cognosse.
Qua gh’è dei zecchinati, (mostra la borsa
E colle donne son el re dei mati.
Eh via, no la se fazza sfregolar 2.
Vardè che bella vita!
(alza il zendal a Dorilla che io respinge3
Oh oh, che smorfie!
Presto presto el caffè, che voggio andar.
Narciso. Strissimo, sior Zanetto.
Zanetto. Cossa vustu?
Narciso. Quella maschera là mi la cognosso;
La xe una vertuosa
Vegnua da Roma; oh, oh, se la vedesse!
La xe graziosa e bella,
Che la par una stella.
Zanetto. La sa star sulle soe.
Narciso. No l’è più stada
In sto paese, e no la sa l’usanza.
Con una forestiera
Ghe vuol (la me perdona) altra maniera.
Zanetto. Caro Narciso, dighe le parole,
Parleghe come ti, fora dei denti;
Mi intanto studierà do complimenti.
Narciso. Lustrissimo, la vuol
Donca che mi ghe batta el canariol4?
- ↑ Specie di maschera: voi. XII, 150 e Boerio.
- ↑ Pregare e ripregare: vol. XVI, 145 ecc.; Patriarchi e Boerio.
- ↑ Così Zatta. Nelle precedenti edizioni: li alza il zendal. Dorilla lo rispinge.
- ↑ Manca questa voce nei dizionari del Patriarchi e del Boerio. Certo la frase corrisponde a quella più comune: batter l’azalin, fare il mezzano: vol. II, 417 ecc.
