 |
Questa pagina è stata trascritta e formattata, ma deve essere riletta. | |
| 203 |
PARTE SECONDA
SCENA PRIMA.
Lindora sola.
Ho tiolto per mario
Sto monsù de Guascogna,
Sperando de avanzar de condizion,
E son precipitada a tombolon.
Chi lo vede, s’inganna;
E1 gh’à un abito eterno
Per I’istà e per l’inverno.
Una camisa sola col merletto,
E fin che ghe la lavo,
Perchè noi ghe n’ha altre, el resta in letto.
L’è sempre in complimenti,
L’è tutto mina1 e gala,
Farina bianca in testa,
E in casa, se ghe n’è, farina zala.
Eh quante volte I’ apparenza inganna!
Quando che ste frascone
Le vede un paregin 2 vestio all’usanza,
Le se ghe butta drio,
E po dopo le magna el pan pentio.
Putazze, se voggiose
Vu sè de maridarve,
Mi ve conseggio,
Per vostro meggio,
De no taccarve
A certe belle ciere,
Che colle so maniere
Alfin v’ingannarà.
