 |
Questa pagina è stata trascritta, formattata e riletta. | |
| 474 | ATTO TERZO |
Lissandro. E ela l’ha fatto el so ballo.... Deghe el so tabarro e la so bauta. (alla scena)
Zanetto. E mi resto senza muggier!
Lissandro. E cussì!
Zanetto. E anca... I me manderà via senza cena?
Tonina. Sior no, sior no, poveretto, che el resta. (a Gasparo)
Gasparo. Cossa disela, sior Raimondo?1
Zanetto. Grazie, cenemo, ballemo, divertimose, e no ghe vôia più pensar.
Tonina. Oe putti, cossa feu? Vegnì avanti. Aveu perso le parole? (a Bortolo e Cattina)
Bortolo. Son confuso, tra l’allegrezza, la contentezza, e el rimorso de qualche busia che ho ditto, e la confusion che i m’abbia cussì ben perdonà.
Tonina. Bravo! e vu, fia? (a Cattino)
Cattina. Mi, siora... ghe digo... che me sento... In verità no so cossa dir.
Tonina. Siori; no la pol dir gnente, ma la dise assae. No la gh’ha fiàb de parlar, perchè el so spirito xe impiega a consolar el so cuor. Lassemo che la se remetta in forza, e dopo del so incantesmo, succederà l’allegria. Intanto divertimose, ballemo e po andaremo a cenar. Ma prima che se torna a ballar, permetteme che diga quattro parole a chi sec convien.
Siori, i nostri chiassetti xe fenii;
Se ve sè divertii,
Tanto meggio per nu. Ma per saverlo
Come mai se pol far? Sì, benedetto
L’uso sia de Venezia. Se in Teatro
Qualcossetta ghe xe che dà diletto,
Colle man e coi piè se fa chiassetto.
Segue la contradanza.
Fine della Commedia.
- ↑ Manca la risposta di sior Raimondo.
