 |
Questa pagina è stata trascritta, formattata e riletta. | |
| LE BARUFFE CHIOZZOTTE | 87 |
Titta Nane. Veggio farme piccarea, ma avanti, sangue de diana, ghe ne voggio colegare b tre o quattro!
Toffolo. So qua. Come xéla?
Titta Nane. Arme, fora arme.
Toffolo. Mi no so gnente. (corre via e s’incontra violentemente con Isidoro urtandosi, ed Isidoro dà una spinta a Toffolo e lo getta in terra)
Isidoro. Ah bestia!
Toffolo. Aiuto.
Isidoro. Con chi la gh’astu? (a Toffolo)
Toffolo. I me vol dare. (alzandosi)
Isidoro. Chi è che te vuol dar?
Toffolo. Titta Nane.
Titta Nane. No xe vero gnente.
Isidoro. Va via de qua subito. (a Titta Nane)
Vicenzo. Nol la gh’ha co elo, lustrissimo; el la gh’ha co Beppo e con paron Toni.
Isidoro. Va via de qua, te digo. (a Titta Nane)
Vicenzo. Via, andemo, cognè obbedire, cognè c, (a Titta Nane)
Isidoro. (Menèlo via, paron Vicenzo, e tegnilo con vu, e trattegnive sotto el portegod in piazza, dal barbier o dal marzerettoe, che se vorrò, se ghe sarà bisogno, ve manderò po a chiamar). (a Vicenzo)
Vicenzo. (Sarà obedìa, lustrissimo). Andemo. (a Titta Nane)
Titta Nane. No voggio vegnire.
Vicenzo. Andemo co mi, no te dubitare. So omo, so galantomo, vièf co mi, non te dubitare.
Isidoro. Via, va con elo; e fa quel che te dise paron Vicenzo; e abbi pasenzia, e aspetta, che pol esser che ti sii contento, e che te fazza dar quanta sodisfazion che ti vol.
Titta Nane. Me raccomando a ela, lustrissimo. So poveromo, so galantomo, siò cogitore; me raccomando a ela, siò cogitore lustrissimo. (parte)
