Pagina:Goldoni - Opere complete, Venezia 1915, XX.djvu/90

82

ATTO TERZO

Titta Nane. Perchè Checca m’ha dito, e donna Libera e Orsetta m’ha dito, che ti t’ha sentao da Lucietta, e ti gh’ha pagao da marenda ^a.

Toffolo. Per far despetto, l’ho fatto.

Titta Nane. A chi?

Isidoro. Quietève. (a Titta Nane) Distu dasseno che ti ghe vol ben a Checca?

Toffolo. Mi sì, da putto^b.

Isidoro. La toressistu per muggier?

Toffolo. Mare de diana, se la chiorave^c!

Isidoro. E ela mo te vorala?

Toffolo. Vara chiòe^d! Per cossa no m’averavela da volere? La m’ha dito delle parole, la m’ha dito, che no le posso mo gnanca dire. So^e sorela m’ha descazzao^f, da resto... e co metto peota a Vigo^g, la poderò mantegnire.

Isidoro. (Mo el sarave giusto a proposito per Checchina).

SCENA XIV.

Paron Toni, un Servitore con fiaschi, e detti.

Toni. Xe qua el servitor, lustrissimo.

Isidoro. Bravo. Metti zoso^h quei fiaschi, e va de là in cusina e varda in quel armeretto, che gh’è dei gottiⁱ. (servitore parte)

Toni. (Com’èla, paron Vicenzo?)

Vicenzo. (Ben, ben! S’ha scoverto delle cosse... Anderà tutto ben).

Isidoro. Toffolo, allegramente, che vôi che femo sto matrimonio.

Toffolo. Magari, lustrissimo!

Toni. Olà, Toffolo, con chi?

Isidoro. Con Checchina.

Toffolo. E mio fradelo Beppe sposerà Orsetta.

1. Per colazione.
2. In fede di giovane onesto.
3. Capperi! se la prenderei.
4. Oh, guardate bella domanda!
5. Sua.
6. Scacciato.
7. E quando avrò una peòta: barca che serve al trasporto de’ passeggieri a Vigo, cioè al luogo dove si trattengono tali peote.
8. Giù.
9. Bicchieri.