Pagina:Goldoni - Opere complete, Venezia 1915, XX.djvu/87

LE BARUFFE CHIOZZOTTE

79

gh’aveva dusento e passa^a ducati. M’ha parso che la dota ve comoda; m’ha parso che la putta ve piasa. Cossa me scambieu adesso le carte in man?

Titta Nane. Lustrissimo, mi no ghe scambio gnente, lustrissimo. L’abbia da saere che a Lucietta, lustrissimo, xe do anni che ghe fazzo l’amore, e me son instizzao^b, e ho fatto quel che ho fatto, per zelusia e per amore, e la gh’ho licenzia. Ma la gh’abbia da saere, lustrissimo, che a Lucietta ghe voggio ben, ghe voggio; e co un omo xe instizzao, no! sa quello ch’a se dighe. Stamattina Lucietta l’averave mazza, e za un puoco^c gh’ho volesto dare martello¹; ma co ghe penso, mare de diana! lustrissimo, no la posso lassare; e ghe voggio ben, ghe voggio. La m’ha affrontao, la gh’ho licenzia; ma me schioppa el cuor^d.

Isidoro. Oh bella da galantomo! E mi ho manda a chiamar donna Libera e paron Fortunato per parlarghe de sto negozio e domandarghe Checca per vu.

Titta Nane. Grazie, lustrissimo. (con dispiacere)

Isidoro. No la volè donca?

Titta Nane. Grazie alla so bontae. (come sopra)

Isidoro. Sì? o no?

Titta Nane. Co bo^e respetto: mi no, lustrissimo.

Isidoro. Andeve a far squartar^f, che no me n’importa.

Titta Nane. Comuodo pàrlela^g, lustrissimo? So poveromo, so un povero pescaore; ma so galantomo, lustrissimo.

Isidoro. Me despiase, perchè gh’averave gusto de maridar quella putta.

Titta Nane. Lustrissimo, la me compatissa, se no ghe fasse affronto, ghe vorave dire do parole, ghe vorave dire.

Isidoro. Disè pur: cossa me voressi dir?

1. Dugento e più.
2. Sono andato in collera.
3. E poco fa.
4. Mi crepa il cuore.
5. Buono, e qui vuol dire: con sua permissione.
6. Andate al diavolo.
7. Come parla?

1. Figuratamente: pena, travaglio, gelosia. V. Boerio.