Pagina:Goldoni - Opere complete, Venezia 1915, XX.djvu/58

50 ATTO SECONDO

Pasqua. Varè che sesti! Per cossa?

Titta Nane. Per cossa, per cossa!...

Lucietta. (S’alza per andar via.)

Pasqua. Dove vastu?

Lucietta. Dove che voggio. (va in casa, e a suo tempo ritorna)

Pasqua. No stè a badare ai pettegolezzi. (a Titta Nane)

Titta Nane. So tutto, e me maraveggio de vu, e me maraveggio de ela.

Pasqua. Mo se la ve vol tanto ben.

Titta Nane. Se la me volesse ben, no la me volterave le spalle.

Pasqua. Poverazza! La sarà andada a pianzere, la sarà andada.

Titta Nane. Per chi a pianzer1 ? Per Marmottina?

Pasqua. Mo no, Titta Nane, mo no, che la ve vol tanto ben! che co la ve vede andar in mare, ghe vien l’angossa. Co vien suso dei temporali, la xe mezza matta; la se stremisse2 per causa vostra. La se leva suso la notte, la va al balcon3 a vardar el tempo. La ve xe persa drio4, no la varda per altri occhi che per i vostri.

Titta Nane. E perchè mo no dirme gnanca una bona parola?

Pasqua. Non la puol; la gh’ha paura; la xe propriamente ingroppàa.

Titta Nane. No gh’ho rason fursi de lamentarme de ela?

Pasqua. Ve conterò mi, come che la xe sta.

Titta Nane. Sior no; voi che ela mel diga, e che la confessa, e che la me domanda perdon.

Pasqua. Ghe perdonereu?

Titta Nane. Chi sa? Poderave esser de sì. Dove xela andà?

Pasqua. Vela qua, vela qua che la vien.

Lucietta. Tolè, sior, le vostre scarpe, le vostre cordelleb, e la vostra zendalinac che m’avè dà. (getta tutto in terra)

  1. Il dolore le toglie il respiro.
  2. Nastri.
  3. Altra specie di nastro più fino.
  1. Nell’ed. Pasquali: pianger.
  2. Stremirse, sbigottirsi. «Si dice del tremore che nasce per lo più da improvvisa paura: Boerio, l. c.
  3. Intendesi alla finestra.
  4. «Esser perduto d’alcuno o d’alcuna, vale esserne grandemente innamorato»: Boerio.