 |
Questa pagina è stata trascritta, formattata e riletta. | |
| 40 | ATTO PRIMO |
Orsetta. Va in malora. (a Toffolo)
Libera. Vatte a far squartare. (lo spinge via)
Toffolo. Coss’è sto spenzere? Cossa xe sto parlare?
Fortunato. Va ia, va ia, che debotto, se te metto e ma1 a torno, te fazzo egnì fuora e buelle pe a bocca.
Toffolo. Ve porto respetto, ve porto, perchè sè vecchio, e perchè se cugnà de Checchina. Ma sti baroni, sti cani, sangue de diana, me l’ha da pagare. (verso la porta di Toni)
SCENA XIII.
Titta Nane con pistolese, e detti.
Titta Nane. Vardete, che te sbuso. (contro Toffolo, battendo il pistolese per terra.)
Toffolo. Agiuto! (si tira alla porta)
Fortunato. Saldi. Femève. (lo ferma)
Libera. No fea!
Orsetta. Tegnilo.
Titta Nane. Lassème andare, lassème. (si sforza contro Toffolo)
Toffolo. Agiuto! (dà nella porta che si apre, e cade dentro)
Fortunato. Titta Nane, Titta Nane, Titta Nane. (tenendolo e tirandolo)
Libera. Menèlo in casa, menèlo. (a Fortunato)
Titta Nane. No ghe voggio vegnire. (sforzandosi)
Fortunato. Ti gh’ha ben da egnire. (lo tira in casa per forza)
Libera. Oh che tremazzo!
Orsetta. Oh che batticuore!
Pasqua. (Cacciando di casa Toffolo) Va via de qua.
Lucietta. (Cacciando Toffolo) Va in malora.
Pasqua. Scarcavallob.. (via)
- ↑ Le mani.
