 |
Questa pagina è stata trascritta, formattata e riletta. | |
| 26 | ATTO PRIMO |
Lucietta. Oe, no ghe disè gnente. (a Vicenzo)
Libera. Oe, paron Vicenzo, no ghe stessi miga a contare.
Vicenzo. Che cadea!
Orsetta. No ghe stessi a dire...
Vicenzo. Mo no stè a bacilareb. (parte)
Libera. Via, no femo che i nostri omeni n’abbia da trovarè in baruffa.
Pasqua. Oh, mi presto la me monta, e presto la me passa.
Lucietta. Checca, xestu in collera?
Checca. No ti sa far altro che far despetti.
Orsetta. A monte, a monte. Semio amighe?
Lucietta. No voleu che lo semio?
Orsetta. Dame un baso, Lucietta.
Lucietta. Tiò, vissere. (si badano)
Orsetta. Anca ti, Checca.
Checca. No gh’ho bon stomego1.
Lucietta. Via, matta.
Checca. Via, che ti xe doppia co fa le ceolec.
Lucietta. Mi? Oh, ti me cognossi puoco. Viè qua; dame un baso.
Checca. Tiòd. Varda ben, no me minchionare.
Pasqua. Tiò el to balon, e andemo in càe, che po anderemo in tartana. (piglia lo scagno col cuscino, e parte)
Libera. Putte, andemo anca nu, che li anderemo a incontrare. (parte col suo scagno)
Orsetta. No vedo l’ora de vederlo el mio caro Beppe. (parte col suo scagno)
Lucietta. Bondì, Checca. (prende il suo scagno)
Checca. Bondì. Vòggieme ben. (prende il suo scagno, e parte)
Lucietta. No t’indubitare. (prende il suo scagno, e parte)
- ↑ Non ho stomaco abbastanza forte per sofirìrla; mi ripugna.
