 |
Questa pagina è stata trascritta, formattata e riletta. | |
| 24 | ATTO PRIMO |
Libera. Tendi a laorare. (a Orsetta e Checca, alzandosi)
Orsetta. Che el se varda elo, sior Toffolo Marmottinaa.
Toffolo. Coss’è sto Marmottina?
Orsetta. Sior sì; credeu che nol sappiemo che i ve dise Toffolo Marmottina?
Lucietta. Varè che sesti! varè che bella prudenzia!
Orsetta. Eh via, cara siora Lucietta Panchianab
Lucietta. Cossa xe sta Panchiana? Tendè a vu, siora Orsetta Meggiottoc.
Libera. No stè a strapazzar mie sorelle, che mare de diana...
Pasqua. Portè respetto a mia cugnà. (s’alza)
Libera. Eh! tasè, donna Pasqua Fersorad.
Pasqua. Tasè vu, donna Libera Gallozzoe.
Toffolo. Se no fussi donne, sangue de un’anguriaf...
Libera. Vegnirà el mio paron.
Checca. Vegnirà Titta Nane. Ghe vôi contare tutto, ghe vôi contare.
Lucietta. Cóntighe. Cossa m’importa?
Orsetta. Che el vegna paron Toni Canestrog...
Lucietta. Sì, sì, che el vegna paron Fortunato Baìcoloh...
Orsetta. Oh che temporale1!
Lucietta. Oh che susio 1!
Pasqua. Oh che bissabuova 1!
Orsetta. Oh che stramanio 1!
SCENA IV.
Paron Vicenzo e detti.
Vicenzo. Olà, olà! zitto, donne. Cossa diavolo gh’aveu?
Lucietta. Oe, vegnì qua, paron Vicenzo.
- ↑ Soprannome di Toffolo.
- ↑ Soprannome di Lucietta, che significa parabolana.
- ↑ Soprannome di Orsetta. Meggiotto si dice ad un pane di fanna grossa, mescolato con farina di miglio.
- ↑ Padella, soprannome di Pasqua.
- ↑ Cappone male accomodato, che in parte è ancora gallo; soprannome di Libera.
- ↑ Cocomero.
- ↑ Soprannome di Toni.
- ↑ Pesce di tal nome, soprannome di Fortunato.
