 |
Questa pagina è stata trascritta, formattata e riletta. | |
| 22 | ATTO PRIMO |
Toffolo. (Mio santoloa me vol metter suso peotab, e co son a traghettoc, anca mi me vol mandare).
Checca. (Dasseno?)
Toffolo. (Ma vu avè dito che no ve degnè).
Checca. (Oh! ho dito della zucca, no ho miga dito de vu).
Libera. Oe, oe, digo: cossa xe sti parlari?
Toffolo. varè? vardo a laorare.
Libera. Ande via de là, ve digo.
Toffolo. Cossa ve fazzio? Tolè; anderò via. (si scosta, e va bel bello dall’altra parte.)
Checca. (Sia malignazo!)
Orsetta. (Mo via, cara sorella, se el la volesse, savè che putto che el xe: no ghe la voressi dare?)
Lucietta. (Cossa diseu, cugnà? La se mette suso a bonorad).
Pasqua. (Se ti savessi che rabbia che la me fa!) (a Lucietta)
Lucietta. (varè che fusto!e Viva cocchietto!f la voggio far desperare). (da sè)
Toffolo. Sfadigheve a pian, donna Pasqua.
Pasqua. Oh! no me sfadigo, no, fio: no vedè che mazzette grosse? El xe merlo da diese soldi.
Toffolo. E vu, Lucietta?
Lucietta. Oh! el mio xe da trenta.
Toffolo. E co bello che el xe!
Lucietta. Ve piaselo?
Toffolo. Mo co pulito! Mo cari quei deolini g.
Lucietta. Vegnì qua; sentève.
Toffolo. (Oh! qua son più alla bonazza h). (siede)
Checca. (Oe! cossa diseu?) (a Orsetta, facendole osservare Toffolo vicino a Lucietta.)
Orsetta. (Lassa che i fazza, no te n’impazzare). (a Checca)
Toffolo. (Se starò qua, me bastonerali?) (a Lucietta)
