 |
Questa pagina è stata trascritta, formattata e riletta. | |
| UNA DELLE ULTIME SERE DI CARNOVALE | 175 |
Marta. E lori, vorli gnente? (a Bastian e ad Alba)
Bastian. Gnente a sto mondo.
Marta. Vostro danno. Vedeu? V’ave fatto cognosser che la gh’avèa. (a Lazaro, tirando il piatto)
Lazaro. Mi? Come? (tutti mettono di nuovo i loro due soldi nel tondo, fuori di Domenica e Anzoletto, perchè parlano e non badano.)
Marta. Eh! sì sì, caretto; no stè ben arente vostra muggierb.
Alba. Poverazzo! el xe de bon cuor mio mario. (ridendo)
Marta. Tocca a far le carte a sior’Elenetta. (dà le carte ad Elena) Via, chi manca a metter su?1
Anzoletto. Mancheremo nualtri. (prende i quattro soldi)
Marta. (Mo i compatisso, poverazzi!) (da sè)
Anzoletto. (Se la savesse, quanto che me despiase). (a Domenica)
Domenica. (De cossa?)
Anzoletto. (De doverla lassar). (mettendo i soldi nel piatto)
Domenica. (Busiaroc!) (ad Anzoletto)
Elenetta. Che la leva. (a Polonia, dandole le carte perchè alzi)
Marta. (Siora Domenica, come vala?) (a Domenica)
Domenica. (Qua no se sente altro che delle busie). (a Marta)
Marta. (Se sè un putto civil, trattè almanco con sincerità). (ad Anzoletto)
Anzoletto. (Per farghe veder che no son busiaro, ghe farò una proposizion.). (a ’Domenica, che senta anche Marta)
Domenica. (Che xe?)
Anzoletto. (Vorla vegnir in Moscovia con mi?) (come sopra)
Marta. (Sì ben, che l’accetta. Nol dise mal). (a ’Domenica)
Domenica. (Come?) (ad Anzoletto)
Anzoletto. (Col consenso de so sior padre). (come sopra)
Marta. (Se gh’intende). (a Domenica)
Domenica. (Sposai?) (ad Anzoletto)
Anzoletto. (No vorla?) (come sopra)
Marta. (Bravo, bravo dasseno). (ad Anzoletto, rimettendosi al giuoco)
- ↑ Così l’ed. Pasquali. Nell’ed. Zatta queste ultime parole (Via ecc.) sono attribuite ad Alba.
