Pagina:Goldoni - Opere complete, Venezia 1915, XX.djvu/181

UNA DELLE ULTIME SERE DI CARNOVALE

171

Anzoletto. (La me permetta che me possa giustificar).

Domenica. (Zitto, zitto; za che mio padre no ha savesto gnente fin adesso, no veggio che ’l se n’incorza, e che ’l m’abbia da criar senza sugo). (siedono ai loro posti)

Marta. Mettemo suso do soldi per omo¹. Semo diese; do fia diese, vinti^a. La prima carta tira sette. La segonda sie, perchè se lassa el soldo dell’invido; e in ultima resta sette. (tutti pongono il loro soldo nel tondino)

Anzoletto. (Ghe vôi più ben de quello che la se imagina). (a Domenica)

Domenica. (Eh! caro sior, s’el me volesse ben, no l’anderave in Moscovia). (ad Anzoletto)

Anzoletto. (Ma la prego de considerar...).

Domenica. (Zitto, zitto, ch’el tasa).

Polonia. La diga, siora Domenica. M’imagino che faremo l’invido ligà^b.

Domenica. Per mi, quel che la comanda.

Polonia. Che no se passa un traero^c.

Marta. Oh! per un traero no se pol far cazzate²! Cossa disela ela? (ad Alba)

Alba. Che i fazza pur quel che i vol. (a Marta) Me casca i occhi da sonno. (a Bastian)

Bastian. (Stago fresco! M’ha toccà una bona compagna).

Marta. (Dando le carte per veder a chi tocca) Mi diria che se podesse invidar almanco do traeri.

Agustin. Mi no voggio che se invida più de do soldi.

Marta. Tanto fa che lassemo star.

Zamaria. Via, fiozzo, no siè cussì spilorza. Co se ghe xe, se ghe sta.

Elenetta. Ben; co avemo perso un da vinti, no zoghemo altro.

Zamaria. Gh’aveu paura? Zoghè per mi.

1. Maniera di conteggiare in Venezia: do fia diese, vinti, quasi due fiate dieci, venti.
2. Propone di far l’invito limitato; vedi cos’è l’invito nella prefazione.
3. Cinque soldi, moneta di Venezia.

1. Per ciascuno.
2. Vedasi prefazione, pag. 129.