 |
Questa pagina è stata trascritta, formattata e riletta. | |
| UNA DELLE ULTIME SERE DI CARNOVALE | 147 |
Marta. Gh’ho ben gusto dasseno. El xe el più caro matto del mondo.
Domenica. El bello xe, che sior padre l’aveva invidà, e ’l gh’ha dito che nol podeva vegnir.
Bastian. No sala? Lu gh’ha l’abilità de zirar in t’un zorno sette o otto conversazion.
Marta. Cossa falò che noi vien avanti?
Domenica. L’è capace d’averse fermà coi zoveni, a dirghe cento mile minchionerie.
Marta. Femo de tutto, che ’l staga qua stassera.
Domenica. Oh! mi no lo lasso andar via seguro.
Elenetta. (Cossa mai falò sto mio mario, che noi vien? El me fa pensar cento cosse).
Domenica. Velo qua, velo quaa sior Momolo.
SCENA VIII.
Momolo e detti.
Momolo. Patrone riverite.
Marta. Bravo, sior Momolo.
Bastian. Bondì, Momolo.
Momolo. Paron benedetto. (a Bastian)
Domenica. Cossa feu qua? Meriteressi giusto, che ve mandassimo via.
Momolo. Saldi; le se fermab, che ghe conterò come che la xe stada.
Domenica. Mo che panchianac!
Momolo. Gnente. L’ascolta un omo col parla. Giera impegna d’andar a cena in t’un logo. Son andà; m’ho informà chi ghe giera; i m’ha dito che ghe giera un muso che no me piase: una certa signora, che ’l so sangue non se confà col
- ↑ Eccolo qui.
- ↑ Momolo ripeterà moltissime volte nel corso di questa commedia questo modo di dire: le se ferma (che si fermino), e lo dice sovente senza ragione; questo è un intercalare proprio alla persona, di cui l’autore ha avuto intenzione d’imitare il carattere, la giovialità, e le frasi.
- ↑ Bugiardo; ma in maniera scherzevole.
