 |
Questa pagina è stata trascritta, formattata e riletta. | |
| UNA DELLE ULTIME SERE DI CARNOVALE | 139 |
Zamaria. L’ho invidà, l’ho pregà, ho fatto de tutto per obligarlo a vegnir, e no gh’è sta caso. El dise ch’el gh’ha un impegno, che nol pol vegnir.
Domenica. Me despiase; perchè el xe unico per tegnir in viva1 una conversazion. Donca co la mistra saremo diese.
Zamaria. Siora sì, a tola saremo diese; e fe parecchiar de làa per i putti.
Domenica. Sior sì.
Zamaria. E deghe anca a lori le so possade d’arzento, e la so bozzetta de vin de Cipro.
Domenica. Eh! a lori podemo dar del moscato.
Zamaria. Siora no? vôi che i magna e che i beva de tutto quel che magnemo e bevemo anca nu.
Domenica. Oh! xe qua sior’Elena e sior Agustin.
Zamaria. Oh! via, bravi; i ha fatto ben a vegnir. Scomenzemo a aver un pochetto de compagnia.
Domenica. (Mi vorave che vegnisse sior Anzoletto).
SCENA III.
Agustin, Elenetta e i suddetti.
Zamaria. Oe, fiozza!
Elenetta. Sior santolob, patron.
Zamaria. Bondì, fiozzo.
Elenetta. Patrona, siora Domenica.
Domenica. Sior’Elena, patrona.
Agustin. Patrona. (a Domenica)
Domenica. Patron. (ad Agustin)
Elenetta. Semo qua a incomodarli.
Domenica. Cossa dìsela? La ne fa finezza.
- ↑ Così in tutte le antiche edizioni.
