 |
Questa pagina è stata trascritta, formattata e riletta. | |
| 136 | ATTO PRIMO |
Domenica. E sì,a tra conzarme e vestirme, a un’ora e un quarto no ghe son arrivada.
Zamaria. Brava! Ti xe una putta de garbo.
Domenica. E avanti de prencipiar, son andada in cusina; ho dà i mi ordeni; ho agiutà a far suso i raffioib; ho fatto metter el stuffà in pignattac, e ho volesto metterghe mi la so conza; ho fatto che i torna a lavar el pollamed; ho fatto el pien alla dindiettae; ho volesto veder a impastar le polpette; ho dà fora el vin; ho messo fora la biancaria. No me manca altro che tirar fora le possae1, le sottocoppe, e quelle quattro bottiglie de vin de Cipro.
Zamaria. Mo via; mo se lo so; mo se ti xe una donnetta de garbo.
Domenica. A cena in quanti saremio, sior padre?
Zamaria. Aspetta. No m’arecordo. Mio compare Lazaro co so muggierf.
Domenica. Credemiog che la vegna sior’Alba?
Zamaria. La m’ha dito de sì. Per cossa no averavela da vegnir?
Domenica. No salo, che cossa lessah che la xe? La gh’ha sempre mal. No la magna, no la parla, no la sa zogar: ora ghe diol la testa, ora ghe diol el stomego, ora ghe vien le fumanei.
Zamaria. Cossa vustu far? Sior Lazaro el xe mio compare. El xe anca elo della mia profession; gh’avemo insieme dei negozietti. Qualcossa bisogna ben sopportar.
Domenica. E chi altri ghe sarà?
Zamaria. Ho invidà sior Bastian.
Domenica. Sior Bastian Caparetti?
Zamaria. Siora sì. Anca elo; perchè el xe mercante da sea2, ch’el me dà tutto l’anno da laorar.
