 |
Questa pagina è stata trascritta, formattata e riletta. | |
| I RUSTEGHI | 77 |
Lunardo. Ah! povera innocente! cussì la xe arlevada, vedeu? (a Simon e Canaan)
Felice. (Se el savesse tutto). (piano a Margarita)
Margarita. (M’inspiritoa che el lo sappia). (a Felice)
Marina. (No gh’è pericolo). (a Margarita)
Lunardo. Orsù, sappiè che el so novizzo xe el fio de sior Maurizio, nevodo de siora Marina.
Marina. Dasseno? mio nevodo?
Felice. Oh cossa che ne contè!
Marina. Mo gh’ho ben a caro, dasseno.
Felice. De meggio no podevi trovar.
Marina. Quando se farale ste nozze?
Lunardo. Ancuo.
Margarita. Ancuo?
Lunardo. Siora sì, ancuo, adessadesso. Sior Maurizio xe andà a casa; el xe andà a levarb so fio, el lo mena qua; disnemo insieme, e po subito i se dà la manc.
Margarita. (Oh poveretta mi!)
Felice. Cussì alla presta?
Lunardo. Mi no veggio brui longhi1.
Lucietta. (Adesso me trema anca le buelle2).
Lunardo. Cossa gh’astu? (a Lucietta)
Lucietta. Gnente.
SCENA XIII.
Maurizio e detti.
Lunardo. Oh via; seu qua? (a Maurizio)
Maurizio. Son qua. (turbato)
Lunardo. Cossa gh’aveu?
Maurizio. Son fora de mi.
Lunardo. Coss’è stà?
