Pagina:Goldoni - Opere complete, Venezia 1914, XVIII.djvu/67

I RUSTEGHI

59

Margarita. Sé ben minchion, se el credè. Andemo, andemo, siora

Marina. Se ghe tendessimo a lori^a, i ne metterave i moccoli drio^b. Se poderessimo ficcar in canèo¹. Della roba ghe n’ho, e fin che son zovene me la voggio goder. (a Marina) Ma no gh’è altro; cussì la xe. (a Lunardo, e parte)

Lunardo. Custìa la me vol tirar a cimento.

Marina. Caro sior Lunardo, bisogna compatirla. La xe ambiziosa; certo che no ghe giera bisogno, che per casa la mostrasse sta affetazion, ma la xe zovene: no la gh’ha gnancora el so bon intendacchio ^c.

Simon. Tasè là. Vardeve vu, siora pettegola.

Marina. Se no portasse respetto dove che son....

Simon. Cossa diressi?

Marina. Ve diria de chi v’ha nanìo^d. (Orso del diavolo). (parte)

SCENA V.

Lunardo e Simon.

Simon. Marideve, che gh’avere de sti gusti.

Lunardo. Ve recordeu de la prima muggier? Quella giera una bona creatura; ma questa la xe un muschietto! (Simon)

Simon. Ma mi, matto bestia, che le donne no le ho mai podeste soffrir, e po son andà a ingambararme² co sto diavolo descaenà.

Lunardo. Al dì d’ancuo no se se pol più maridar.

Simon. Se se vol tegnir la muggier in dover, se xe salvadeghi; se la se lassa far, se xe alocchi.

Lunardo. Se no giera per quella putta che gh’ho, ve protesto da galantomo, vegnimo a dir el merito, che no m’intrigava con altre donne.

Simon. Me xe sta ditto, che la maridè: xe vero?

1. Se badassimo a loro.
2. Mettere i moccoli dietro a qualcheduno vuol dire svergognarlo, deriderlo.
3. Giudizio, detto burlescamente.
4. Vi direi delle villanie.

1. Andarsi a nascondere¹ .
   1. Canèo, canneto: V. Patriarchi e Boerio.
2. Ingambararse, impacciarsi, intrigarsi, inviluppar le gambe.