 |
Questa pagina è stata trascritta, formattata e riletta. | |
| 468 | ATTO TERZO |
Nicoletto. Ma ghe digo, che no ghe ne voggio saver. (Oh, la fa per tirarme zoso).
Agnese. (Son mal intrigada, co l’è cussì. Oh ve quaa siora Barbara; co no la ghe mette ela del soo, no femo gnente).
SCENA XVI.
Barbara, Rocco, Giacomina e detti; poi Margarita.
Barbara. Semo qua, sior’Agnese.
Rocco. Semo qua, la veda. Ai tanti del mese, sior sì e ste cosse1, l’avemo fatta. (in aria scherzevole)
Agnese. Dasseno? Brava, siora Giacomina, me ne consolo.
Giacomina. Grazie.
Barbara. E ela, come vala?
Agnese. Oh, me par che la vaga mal.
Barbara. Come mal?
Agnese. La senta. (El dise che assolutamente nol se vol maridar). (piano a Barbara)
Barbara. (Bisogna compatirlo. El xe ancora cussì spaventà. El gh’ha paura de mi. Adesso, adesso lo desmissieremob). Nicoletto.
Nicoletto. Siora.
Barbara. Vedistu? sior Rocco xe el novizzo de to sorella.
Nicoletto. Se maridela mia sorella?
Barbara. No sentistu cossa che te digo?
Nicoletto. (Tutti se marida, e mi no i vorrà che me marida).
Rocco. Sior cugnà, deme un baso.
Nicoletto. (Caro vu, compatime dei fazzoletti).
Rocco. (Eh gnente, adesso se tira tressac a tutte le partie).
Barbara. Vien qua, Nicoletto.
Nicoletto. Cossa comandela?
Barbara. E ti, te maridaressistu volentiera?
- ↑ Vol. II. p. 453, VIII, 157 ecc.
