 |
Questa pagina è stata trascritta, formattata e riletta. | |
| LA BUONA MADRE | 465 |
Barbara. Volevela destrigarse presto?
Agnese. Fursi sì anca.
Barbara. Oh sièla benedetta!
SCENA XIII.
Margarita e dette.
Margarita. Xe sior Rocco marzer.
Agnese. Oh, adesso mo el ne vien a intrigar. La fazza cussì, siora Barbara. La vaga de là ela co sior Rocco. La senta quel che el ghe dise, perchè el m’ha ditto de domandarghelaa. La se regola ela, e la fazza quel che ghe par.
Barbara. Siora sì, la dise pulito. Adesso ghe mando mio fio. Cara ela, ghe lo raccomando.
Agnese. Eh no la se indubita, che el xe ben raccomandà.
Barbara. Sì, sì, me fido. (De diana! la ghe xe incocaliab. Ma la xe una gran previdenza!) (parte)
SCENA XIV.
Agnese e Margarita.
Margarita. Ala savesto?
Agnese. Ho savesto.
Margarita. Cossa disela?
Agnese. Cossa voleu che diga?
Margarita. Chi se l’averave mai figurà?
Agnese. A sto mondo no bisogna farse maraveggia de gnente.
Margarita. Cossa disela de sta bagatella? (mostra il coltello che aveva Nicoletto.)
Agnese. Coss’è quel cortello?
Margarita. So siora madre ghe l’ha tolto fora de scarsella.
Agnese. A Nicoletto?
Margarita. A sior Nicoletto. Oe, velo qua, velo qua; vago via.
(parte)
