 |
Questa pagina è stata trascritta, formattata e riletta. | |
| 428 | ATTO PRIMO |
Barbara. Anemo, anemo, fenimo sti stomeghezzia.
Rocco. Vela qua, sempre cussì la me tratta.
Agnese. Sior Rocco, vegnime a trovar.
Rocco. Quando?
Agnese. Ancuo. Porteme dei fazzoletti.
Rocco. De quali vorla?
Agnese. Portemene de do o tre sorte.
Rocco. Da naso?
Agnese. Da naso.
Rocco. Vorla de quelli che gh’ho dà a sior Nicoletto?
Barbara. A che Nicoletto?
Rocco. A so fio. (a Barbara)
Barbara. A mio fio gh’ave dà fazzoletti?
Rocco. Siora sì, a so fio, e el me li ha anca da pagar.
SCENA VII.
Nicoletto e detti.
Nicoletto. Siora, siora sì, xe vero. I ho tolti per sior santolo.
Barbara. (Voleva ben dir mi). Perchè no me l’astu ditto?
Nicoletto. M’ho desmentegàb.
Rocco. Oh patrone, ancuo vegnirò da ela. (ad Agnese)
Agnese. Sì, v’aspetto.
Rocco. Siora Giacomina, patrona.
Giacomina. Patron.
Rocco. Patrona, siora Barbara. (con affettazione)
Barbara. Patron, sior Rocco! (caricandolo)
Rocco. Siela benedetta. Chi sa? Basta. (Se credesse che la gh’avesse i mille ducati. Xe che ho paura, che no la gh’abbia gnanca mille fanfanic). (parte)
