 |
Questa pagina è stata trascritta, formattata e riletta. | |
| 422 | ATTO PRIMO |
SCENA VI.
Barbara, Agnese, Giacomina, poi Rocco col Giovine che porta le merci.
Barbara. Cossa disela de quella frascaria del relogio? (ad Agnese)
Agnese. Oh, la xe una cossa da gnente.
Barbara. Oh, mi son suttilaa, la veda, suttila co fa l’oggio. No ghe ne passo una, no ghe ne fazzo bona nissuna. E per questo el me teme, e no gh’è pericolo che el me lasca un tantinb, e posso star coi mi occhi serrai, e col se mariderà, chi el ghe tocca, poderà dir, me tocca oro colà. Oro colà, sior’Agnese, oro colà.
Agnese. (Oh, bisogna che vaga via, perchè la me ne dise tante, che debotto, debotto...c).
Rocco. Patrone.
Barbara. Sior Rocco.
Agnese. Sior Rocco.
Rocco. Patrona, siora Giacomina, patrona.
Giacomina. Patron.
Rocco. Ala fenio i maneghetti?
Giacomina. Debotto.
Rocco. Fala pulito? La lassa che veda mo. (si accosta)
Barbara. Oh via, tendène a nu, siord. (a Rocco)
Agnese. De diana! el l’ha malistentee vardada. (a Barbara)
Rocco. No la vol che varda i fatti miif gnanca? (a Barbara)
Barbara. I varderè co i sarà fenii.
Rocco. Mo co cattiva che xe sta siora Barbara!
Barbara. No lo saveu che incendog? (scherzando)
Agnese. E sì, la ve vol ben, vede. Se savessi cossa che la m’ha ditto de vu.
Rocco. Cossa gh’hala ditto?
