 |
Questa pagina è stata trascritta, formattata e riletta. | |
| I RUSTEGHI | 35 |
Filippetto. Se la savesse! nol tase mai, nol me lassa mai un momento de libertà.
Marina. El fa ben da una banda. Ma da vostr’amia el ve doverave lassar vegnir.
Filippetto. Ghe l’ho ditto; nol vol che ghe vegna.
Marina. Mo el xe ben un satiro1 compagno de mio mario.
Filippetto. Sior barbaa Simon ghe xelo in casa?
Marina. Nol ghe xe, ma no pol far che el vegna.
Filippetto. Anca elo, co el me vedè, co vegno qua, el me cria.
Marina. Lasse che el diga. La sarave bella. Sè mio nevodo2. Sè fio de una mia sorella; quella poverazza xe morta, e posso dir, che no gh’ho altri a sto mondo che vu.
Filippetto. No vorave che, per causa mia, el ghe criasse anca a ela.
Marina. Oh per mi, fio mio, no ve tolè sto travaggio. Se el me dise tantin, mi ghe respondo tanton. Poveretta mi, se no fasse cussì. Su tutto el cateria3 da criar. No credo che ghe sia a sto mondo un omo più rustego de mio mario.
Filippetto. Più de sior padre?
Marina. No so, vedè, la batte là4.
Filippetto. Mai, mai, dopo che son a sto mondo, nol m’ha mai dà un minimo spasso. El dì da laorarb a mezzà e a casa. La festa a far quel che va fatto, e po subito a casa. El me fa compagnar dal servitor, e ghe n’ha volesto a persuader el servitor a menarme qua stamattina. Mai una volta alla Zueccac, mai a Castello5, mi no credo de esser passà in vita mia tre o quattro volte per Piazzad: quel che el fa elo, el vol che lazza anca mi. La sera fina do ore se stà in mezza, se cena, se va in letto, e bondì sioria.
