 |
Questa pagina è stata trascritta, formattata e riletta. | |
| LA BUONA MADRE | 411 |
Nicoletto. Gh’ho un interesse. Bisogna che vaga a Riaho a scuoder una partia de sette o ottocento ducati.
Lodovica. Andè, scuodela, e po vegnì qua.
Nicoletto. Siora sì, se vederemo.
Daniela. Arecordeve de mi.
Nicoletto. Caro quel musoa.
Lodovica. Vegnì presto.
Nicoletto. Cara la mia cara nonna. (vuol abbracciarla)
Lodovica. Via, insolente. (si difende)
Nicoletto. Siestu benedetta! (come sopra, e gli casca la mezza camiscia)
Lodovica. Lassème star; vardè, che perdè el manegotto.
Nicoletto. Sia maledetto sti manegotti. Patrone. (parte)
Lodovica. Oe, el gh’ha mezza camisa.
Daniela. Cossa importa? El gh’ha ben i abiti gallonai.
Lodovica. E se le fusse tutte panchianeb?
Daniela. E ben, magneralo elo? magnerò anca mi. (parte)
Lodovica. Sì ben, cuor contento, e schiavina in spallac. (parte)
Fine dell’Atto Primo.
