 |
Questa pagina è stata trascritta, formattata e riletta. | |
| 410 | ATTO PRIMO |
Lodovica. (Procura dì vederlo.)
Nicoletto. Via, ala visto?
Lodovica. Mi non ho visto gnente.
Nicoletto. Xe disnov’ore sonae.
Lodovica. De diana! nol se pol veder quel relogio? Gh’alo paura che ghe lo magnemo?
Nicoletto. Xe disnov’ore sonae, cossa vorla veder altro? xe disnov’ore sonae.
Daniela. (Mo che donna! la me fa una rabbia!)
Nicoletto. Gh’ala relogio ela, siora Daniela?
Daniela. Mi no.
Nicoletto. Vorla che ghe ne paga uno?
Daniela. Oh, le putte no porta relogi.
Nicoletto. Ghe lo darò co la se mariderà.
Daniela. Co me mariderò, me lo pagherà mio mario.
Nicoletto. So mario? Chi saralo mo so mario?
Daniela. Mi no so, la veda. (con tenerezza affettata)
Nicoletto. Lo gh’ala in cantiera so mario?
Daniela. Oh el gh’ha bon tempo lu, sior Nicoletto.
Nicoletto. Ah! (le tira una stoccata colla mano)
Daniela. Cossa falo?
Nicoletto. Gh’oggio fatto paura?
Lodovica. Gran morbinb che gh’avè.
Nicoletto. Ah! son in gringola1. (a Lodovica)
Lodovica. Oh, so ben mi cossa che ghe vorria a farve passar el morbin.
Nicoletto. Cossa?
Lodovica. Una novizzac.
Nicoletto. Oh benedetta sta nonna! (abbracciando Lodovica)
Lodovica. Mo via, lassème star.
Nicoletto. Me despiase, che bisogna che vaga via.
Daniela. Cussì presto?
- ↑ Vol. XII, pag. 197.
