 |
Questa pagina è stata trascritta, formattata e riletta. | |
| LA BUONA MADRE | 409 |
Daniela. Se falo qualche cossa da novo?
Nicoletto. Siora sì, me fazzo un abito de un panno fin fin, che se suppia via; coi so bottoni d’arzento che i luse, che i par diamanti. E una camisolaa de ganzob superbonazza, guarnia con quattro dea de galion.
Daniela. Oh, da quando in qua se guarnissele le camisiole de ganzo?
Nicoletto. Moda, moda, Paris, moda, Paris.
Lodovica. Disè, sior Nicoletto, seu gnente bombardierc?
Nicoletto. Per cossa bombardier?
Lodovica. Sbareu gnented?
Nicoletto. Varè vedè, chi crédela che sia, qualche scalzacane? Son paron mi, sala, e le mie intrae me le manizzo mi, e gh’ho domile ducati d’intrada, e mia siora mare la gh’ha sedesemile ducati de dota; ma mi, co me marido, no voggio dota; mi no gh’ho bisogno de dota, voggio una putta che me piasa, che me voggia ben, no cerco altro.
Daniela. Oh che caro sior Nicoletto!
Nicoletto. Oh siestu benedetta! (vuol toccar la mano a Daniela)
Lodovica. Oe oe, patron, come la magnemiof? (sgridandolo)
Nicoletto. Oh benedetta sta nonnag! (fa finezze a Lodovica, volendo prenderla per mano.)
Lodovica. Tegnì le man a casa, ve digo.
Nicoletto. Stamattina propriamente me sento in gringolah.
Lodovica. So anca mi, che ve sentirè in gringola. Gh’avè el corpo pien de cioccolata, de buzzolai. Nualtre, poverazze, no avemo gnancora bevù el caffè.
Nicoletto. Debotto xe ora de disnar.
Lodovica. Debotto? Se xe disdott’ore e un quarto.
Nicoletto. Oh giusto. (mostra di guardar l’orologio in disparte)
- ↑ Sottoveste.
- ↑ Di broccato guernita con quattro dita di gallone.
- ↑ Bombardieri dicesi agli artiglieri che si esercitano a tirar le bombe.
- ↑ Sparate mai? cioè fate voi delle sparate, dite delle bugie per far l’uomo d’importanza?
- ↑ Villano.
- ↑ Frase bassa e burlesca; significa: che maniera è questa, che confidenza?
- ↑ La chiama nonna, perchè è vecchia.
- ↑ In brio, in allegria.
