 |
Questa pagina è stata trascritta, formattata e riletta. | |
| 34 | ATTO PRIMO |
Maurizio. E a mio fio, perchè no veggio che co le serve el se ne impazza, gh’ho insegna a tirar suso i busi1 delle calze, e metter i fondèli alle braghessea.
Lunardo. Bravo. (ridendo)
Maurizio. Sì dasseno. (ridendo)
Lunardo. Via femolo sto sposalizio; destrighemose. (fregandosi le mani, e ridendo.)
Maurizio. Co volè, compare. (come sopra)
Lunardo. Ancuo v’aspetto a disnar con mi. Za savè che ve l’ho ditto. Gh’ho quattro lattesinib, vegnimo a dir el merito, ma tanto fatti2.
Maurizio. I magneremo.
Lunardo. Se goderemo.
Maurizio. Staremo aliegri.
Lunardo. E po i dirà che semo salvadeghi!
Maurizio. Puffe 3!
Lunardo. Martuffi4!
SCENA VI.
Camera in casa del signor Simon.
Marina e Filippetto.
Marina. Coss’è, nevodoc? Che miracolo, che me vegnì a trovar?
Filippetto. Son vegnù via de mezzà5, e avanti de andar a casa, son vegnù un pochettin a saludarla.
Marina. Bravo, Filippetto; ave fatto ben. Senteve6, voleu marendar?7
Filippetto. Grazie, sior’amia8. Bisogna che vaga a casa; che se sior padre no me trova, poveretto mi.
Marina. Diseghe che se stà da vostra amia Marina, cossa diralo?
