Pagina:Goldoni - Opere complete, Venezia 1914, XVIII.djvu/414

398

ATTO PRIMO

Barbara. Se savè qualcossa, parlè.

Margarita. No dasseno gnente. (Per adesso no ghe voggio dar sto travaggio^a). (parte)

SCENA VIII.

Barbara, poi Agnese.

Barbara. Ste strambe^b le parla, e no le sa quel che le se diga. La m’aveva fatto vegnir al mio caldo^c. Ma no gh’è pericolo. So chi el xe Nicoletto.

Agnese. Padrona, siora Barbara.

Barbara. Sior’Agnese, padrona. Che miracolo?

Agnese. Cossa disela? Son vegnua a darghe incomodo.

Barbara. De diana! la recevo per una finezza.

Agnese. Ch’aveva proprio voggia de vederla.

Barbara. Anca mi dasseno^d. Ma mi, la sa che non vago mai fora della porta.

Agnese. Eh, nualtre povere vedoe avemo fenio.

Barbara. Oh cara siora Agnese, ela no s’ha da metter co mi. Ela no la gh’ha fioi, e la gh’ha el so bisogno; ma mi, poverazza, son qua con do creature da mantegnir, e no me vergogno a dirlo, bisogna che strussia^e e che strolega^f a mantegnirli con un pochetto de civiltà, e bisogna misurarla ben, e no se se pol cavar una voggia, e no se se pol tor un spasso, un devertimento; e no gh’ho gnanca un fià ^g de tempo da trarme^h qualche volta al balcon.

Agnese. E sì, in bon ponto lo posso dirⁱ, la xe qua bella, fresca, in ton^j, che la fa voggia^k.

1. Dolore, dispiacere.
2. Queste imprudenti.
3. Mi aveva fatto montar il sangue alla testa.
4. Davvero.
5. Che affatichi.
6. E che studi.
7. Un poco.
8. Da gettarmi.
9. Questa è una frase, che deriva da una spezie di superstizione popolare. Dicendo a qualcheduno, che sta bene, che è grasso, che ha buona ciera, crederebbero ch’ei dovesse cader malato, se non vi aggiungessero qualche preghiera al cielo.
10. Grassa.
11. Che è un piacere a vederla.