Pagina:Goldoni - Opere complete, Venezia 1914, XVIII.djvu/34

26

ATTO PRIMO

Lunardo. E avè tanto muso^a de dirme che ve mena in maschera? M’aveu mai visto mi, vegnimo a dir el merito, a metterme el volto sul muso^b? Coss’èla sta maschera? Per cossa se va in maschera? No me fe parlar; le putte^c no ha da andar in maschera.

Margarita. E le maridae?

Lunardo. Gnanca le maridae, siora no, gnanca le maridae.

Margarita. E per cossa donca le altre, figurarse, ghe vale?

Lunardo. Figurarse, figurarse. Mi penso a casa mia, e no penso ai altri. (la burla del suo intercalare)

Margarita. Perchè, vegnimo a dir el merito, perchè sè un orso. (fa lo stesso)

Lunardo. Siora Margarita, la gh’abbia giudizio.

Margarita. Sior Lunardo, no la me stuzzega.

Lucietta. Mo via, sia malignazo! sempre cussì. No m’importa d’andar in maschera. Starò in casa, ma stemo in bona.

Lunardo. No sentìu? Vegnimo... no sentìu? La xe ela che sempre...

Margarita. (Ride.)

Lunardo. Ridè, patrona? (a Margarita)

Margarita. Ve n’aveu per mal, perchè rido?

Lunardo. Via, vegnì qua tutte do^d, sentì. Delle volte anca mi gh’ho qualcossa per la testa, e par che sia fastidioso, ma ancuo^e son de voggia. Semo de carneval, e vôi che se tolemo la nostra zornada^f.

Lucietta. Oh magari^g!

Margarita. Via mo, sentimo.

Lunardo. Sentì: voggio che ancuo disnemo in compagnia.

Lucietta. Dove, dove, sior padre? (con allegria)

Lunardo. In casa.

Lucietta. In casa? (malinconica¹)

1. E avete tanta faccia?
2. La maschera sulla faccia?
3. Le fanciulle.
4. Tutte due.
5. Oggi.
6. Che ci prendiamo la nostra giornata. I capi di casa all’antica concedevano una giornata di carnovale alla famiglia. Ora tutti i giorm sono compagni.
7. Il ciel volesse.

1. Manca nell’ed. Zatta e nelle edd. recenti.