Pagina:Goldoni - Opere complete, Venezia 1914, XVIII.djvu/306

292

ATTO PRIMO

Lucietta. Per quanti avemio da parecchiar?

Anzoletto. Parecchiè per diese.

Lucietta. La sarà servida. (Oh za el proverbio no falla: el pan dei matti xe el primo magnà). (parte)

SCENA III.

Anzoletto, Sgualdo, Uomini che vanno e vengono, come sopra.

Sgualdo. (Per mi nol gh’ha bezzi, e el fa sto boccon de disnar; doman la descorreremo).

Anzoletto. Quei do quadri in sta camera no i me piase.

Sgualdo. No i sta ben, ghe l’ho ditto anca mi, ma l’ha volesto far a modo de quel pittor. El ghe li ha fatti comprar per forza. L’ha buttà via i bezzi, e no i ghe sta ben.

Anzoletto. Tiremoli via.

Sgualdo. E po cossa gh’avemio da metter? S’ha da far dei altri travasi¹? No feniremo più per stassera.

Anzoletto. Via donca, per adesso lassemoli star.

Sgualdo. Co la voleva far una cossa ben fatta, qua ghe voleva el so specchio, e bisognava contornar la tappezzarla colle so soazette d’oro^a.

Anzoletto. Aponto, me l’ha ditto dei altri. Mettemoghele le soazette d’oro.

Sgualdo. Ghe vol del tempo.

Anzoletto. Do omeni de più fa el servizio.

Sgualdo. Ghe vol cento brazzi de soazette: a un trairo^b al brazzo, ghe vol venticinque lire.

Anzoletto. Comprémole.

Sgualdo. La me daga i bezzi.

Anzoletto. Comprèle vu, che doman se giusteremo.

1. Corniciette d’oro.
2. Un trairo vale cinque soldi veneziani, che sono due baiocchi e mezzo romani in circa.

1. Cambiamenti, trasporti: v. scena seguente.