 |
Questa pagina è stata trascritta, formattata e riletta. | |
| LA CASA NOVA | 287 |
longo. Desfemoa la tramezaura, perchè la fa scuro. Fatture sora fatture; spese sora spese; e po, co ghe domando bezzi, el strepita, el cria, el pesta i pi per terra, el maledisse la casa, e anca chi ghe l’ha fatta tor.
Lucietta. Chi ghe l’ha fatta tor xe stada la so novizza. La xe un boccon de spuzzetta de vintiquattro caratib. No la s’ha degnà della casa dove che stevimo, perchè no ghe giera la rivac in casa, perchè el portego giera piccolo, perchè no la gh’aveva l’appartamento co le tre camere in fila, e perchè ghe pareva che la fusse fornia all’antiga; la gh’ha fatto cresser sessanta ducati de fitto, la gh’ha fatto buttar via un mondo de bezzi in massaria, in fatture, in mobili da niovo, e po no la xe gnancora contenta.
Sgualdo. La gh’averà dà della bona dota.
Lucietta. Eh, caro vù, no me fe parlar. La gh’ha dà dei totanid, della spuzzae tanta che fa paura. Noi gh’ha un fiàf de giudizio el mio paron. El s’ha incapriccià mi no so de cossa. La xe una putta civil, ma arlevada con un’aria spaventosonazza, e per mantegnirla in quell’aria ghe vorria tre o quattromile ducati d’intrada. E sì, savè, sior Anzoletto, dopo che xe morto so pare, el ghe n’ha buttà via tanti, che el xe al giazzog, poveretto, el gh’ha una sorella da maridar, e adesso sto boccon de peso da mantegnir. Credo de sì che el sbatterà i piè, e el maliderà coh ghe domanderè bezzi. Oe, voleu che ve la conta? Ma no disè gnente a nissun, vedè, che no vorave mai che i disesse, che conto i fatti de casa. De lài dove stevimo, el vien via, e l’ha da dar ancora un anno de fitto, e qua in casa nova, no l’ha gnancora pagà i sie mesi anticipaij, e ogni zorno vien el fattor della casa nova, e della casa vecchia, e el dà ordene che se ghe diga
- ↑ Disfacciamo la divisione.
- ↑ Superba al maggior segno.
- ↑ La riva in Venezia è quella porta delle case, che dà sul canale.
- ↑ Totani sono piccoli pesci di niun valore, e in questo senso vuol dire che non ha dato dote.
- ↑ Vuol dire in quest’occasione dell’albagia.
- ↑ Niente.
- ↑ Ridotto al verde.
- ↑ Quando.
- ↑ Nell’altra casa, ove si abitava prima.
- ↑ Le pigioni in Venezia si pagano anticipate di sei mesi in sei mesi.
