 |
Questa pagina è stata trascritta, formattata e riletta. | |
| SIOR TODERO BRONTOLON | 457 |
alla superbia i ghe dise ponto d’onor, e all’ustinazion parola, pontualità. Poveri alocchi! Ghe vol altro per esser zente da ben! Ghe vol bon cuor, sora tutto, bon cuor. Amar el so prossimo, voler ben al so sangue, giustizia con tutti, carità per tutti. Povero vecchio! Se el tira avanti cussì, el se n’accorzerà. El cielo ghe daga del ben a elo, e me daga pazenzia a mi, e un poco de consolazion a quelle care viscere de mia fia.
Fine dell’Atto Secondo.
