 |
Questa pagina è stata trascritta, formattata e riletta. | |
| 376 | ATTO SECONDO |
Rosina. (È un signor compitissimo, mi pare, il signor Ridolfo).
Costanza. (Oh sì dasseno, el xe el più degno cavalier de sto mondo).
Rosina. (E mi pare che abbi per lei della stima e della parzialità non poca).
Costanza. (Per dirghe la verità, el gh’ha per mi della bontà e dell’amor).
Rosina. (Me ne consolo infinitamente).
Costanza. (Grazie alla so gentilezza).
Rosina. (È maritata, signora?)
Costanza. (Son vedua, per obbedirla).
Rosina. (Potrebbe darsi che ella passasse col signor Ridolfo alle seconde nozze).
Costanza. (Chi sa? No semo tanto lontani. Se le sarà riose, le fiorirà. Se se farà ste nozze, la magnerà anca ela dei mi confetti1). (parte)
SCENA IX.
Rosina e Traccagnino.
Segue la Scena a soggetto, e Traccagnino parte.
SCENA X.
Rosina sola.
Traccagnin xe un poco alocchetto; ma ghe vol pazenzia. In tel caso che son, gh’ho bisogno de qualchedun che fazza per mi, e se nol fusse un alocco, nol staria saldo alle figure che ghe fazzo far. Me preme de sentir qualche novità de sto sior Leandro. La speranza che gh’ho sora de elo, me fa sopportar i torti che me fa sior Ridolfo, e bisogna che procura, co dise el proverbio, che tegna el cesto2 su do scagni. E se darò el preterito in terra? Ghe vorrà pazenzia. Son zovene, qualchedun me farà levar su. No bisogna perderse de coraggio.
