 |
Questa pagina è stata trascritta, formattata e riletta. | |
| 364 | ATTO PRIMO |
terme, in levante e in ponente, ti fussi ben custodia: ma no gh’ho miga perso sora de ti quell’autorità ch’el cielo m’ha dà sulla mia creatura; e ti savevi che ti gh’avevi to padre al mondo, e senza de lu no ti te poi obligar. Mi t’ho trovà un novizzo che gh’ha tutte le ottime qualità. Zovene, ricco, savio, civil. Cossa vustu de più? So padre xe qua. El putto tarderà poco a arrivar. Ti ’l vederà, ti sarà contenta. Cara la mia fia, cara la mia cara zoggia1: no me dar sto dolor, no me dar sta mortificazion. No me far comparir mi un babuin, no te far creder ti una fraschetta. Se tratta dell’onor too, dell’onor mio, dell’onor della nostra casa. Obbedissi to padre: falo per atto de giustizia, e se la giustizia no te move abbastanza, falo per atto d’amor. Son vecchio, no gh’ho altri al mondo che ti, no me far morir co sta smania, co sto dolor. Movite a compassion: te parlo come che te parlerave un amigo. Ma i altri amici te pol tradir, e un padre parla per ben, desidera unicamente el to ben, e el sarà ve pronto a sparger el sangue per el to ben.
Isabella. Ah signor padre, non ho cuor di resistere alle vostre dolci parole; la bontà con cui mi parlaste, mi ha talmente convinta, che sono pronta a rendervi quella giustizia che meritate.
Pantalone. Distu dasseno, fia mia? (alzandosi con giubilo)
Isabella. Dicolo colla maggior sincerità e colla maggior tenerezza del mondo.
Pantalone. Siestu benedetta! Ti me dà dies’anni de vita. Ti xe el mio cuor, ti xe la mia consolazion. Tutto quel che gh’ho a sto mondo, xe too. Cara la mia zoggia, caro el mio sangue, caro el mio ben. (L’ho indivinada, ho supera co le bone quel che fursi no averave fatto co le cattive. Son contento, son consolà, no so in che mondo che sia). Tiò, che te lo dago de cuor, (parte. Fa il cenno di baciarsi le dita, e inviare il bacio a Isabella).
- ↑ Gioia, gioiello.
