Tonina. Sior Pasqualin, senteve.
Alì. Cosa voler ti qua? (a Pasqualino)
Pasqualino. San venuto con lei.
Alì. Con ti, che cosa intrar? (a Tonino)
Tonina. Per no vegnir mi sola, m’ho fatto compagnar.
El xe un tenor bravissimo, che canta a perfezion,
Uno che se pol dir, che el sa la profession.
L’è una bella fegura, el recita con arte,
Capace, se bisogna, de far la prima parte.
Alì. So fegura star bona; se saver ben cantar,
Star mal che prima parte tenor no poder far.
Tonina. Chi gh’ha ditto sta cosa?
Alì. Star Nibbio direttor,
Che per forza voler far che sopran mi tor.
Tonina. (Nol sa quel ch’el se diga). Ghe zuro e ghe protesto,
Che per la prima parte no gh’è meggio de questo.
Un tenor de sta sorte se pol sentir per tutto,
Meggio assae d’un sopran.
Alì. (Star Nibbio un farabutto.
Voler per suo interesse far musico pigliar).
Annina. (L’amigh, la simuncina lai vorrev’appuggiar).
Alì. Dir ti quanto voler? (a Pasqualino)
Pasqualino. Di tutto io mi contento;
Verrò, se mi prendete, per zecchini trecento.
Alì. (Musico voler mille; trecento vol tenor.
Al diavolo mandar sopran e direttor).
E ti, Tonina bella, quanto da mi voler?
Tonina. Quel che la vol; con ela vegnirò con piaser.
So che el xe un galantomo, ghe digo onestamente,
Che per lu cantarave, co1 se sol dir, per gnente.
Alì. Tonina generosa, to dir tanto obligar.
Che de Turco onorato no poder dubitar.
Annina. Se mi ai ho domanda, al’ho fat per obbedir;
Ch’alm daga quel ch’al vol, che mi sarà che dir.
- ↑ Come.
