 |
Questa pagina è stata trascritta, formattata e riletta. | |
| LE MORBINOSE | 167 |
.jpg)
ATTO QUARTO.
SCENA PRIMA.
Camera con tavola per desinare, credenza ecc.
Servitori che apparecchiano.
Tonina, poi siora Felice.
Tonina. Anemo, feve onor, e parecchiè pulito1.
La tola ben all’ordene fa vegnir appetito.
Pieghè que’ tovaggioli con qualche bizzarria.
Feghe un becchetto de anara2, un fongo, una galia3.
Sentì, sentì, in tel logo dove sta el forestier,
Piegheghe el tovaggiol in forma de cimier.
Sotto el cimier metteghe do vovi4 de gallina:
Cossa vol dir i vovi, lassè che l’indovina.
(fa cenno colla mano al capo)
