 |
Questa pagina è stata trascritta, formattata e riletta. | |
| IL CAMPIELLO | 371 |
SCENA VI.
Gnese, poi Facchini, poi Anzoletto.
Zorzetto, se podesse;
Ma no voria che nissun lo savesse.
Facchini. (Escono di casa di Gasparina, con masserizie, e le portano altrove.)
Gnese. Oe, fali massaria?
Certo e seguro, che la va a star via.
Se se svoda la casa,
La toressimo nu; oe, siora mare; (chiama)
In sta casetta no me piase star.
E pò, se me marido; ma gh’è tempo.
Cavallo no morir,
Che bell’erba ha da vegnir.
Anzoletto. Oe disè, siora Gnese, saveu gnente
Dove che sia Lucietta?
Gnese. La xe andada
Da sior’Orsola.
Anzoletto. Brava, la lo sa:
No vôi che la ghe vaga, e la ghe va?
Vôi che la me la paga; e quella vecchia
La ghe tende pulito a sta pettazza.
Co la vien, voggio darghe una schiaffazza.
Ma prima co so mare
Vôi dir l’anemo mio. Oe donna Cate,
Desmissieve1. (batte forte)
SCENA VII.
Donna Cate e detti.
Anzoletto. Vegnì da basso, che v’ho da parlar.
Gnese. De diana, el ghe vol dar
- ↑ Destatevi.
