Pagina:Goldoni - Opere complete, Venezia 1911, XIII.djvu/354

348

ATTO TERZO

Ma fé sta grazia, vegnì via con nu.

Gasparina. Ze potezzi, verrei. Non vengo zola.
Lucietta. Via, che ve metteremo in cao de tola¹.
Gasparina. Ve ringrazio dazzeno.
Zerto, che ze vegnizze,
L’ultimo logo no zarave el mio;
Ma no pozzo vegnir zenza el zior zio.
Vol dir barba, zavè.
Lucietta. Veh! mi credeva,
Che parlessi de un fior, in verità.
Gasparina. (Povere zenza zezto², no le za). (da sè)
Orsola. (Anca ti, Gnese, dighe che la vegna).
Gnese. Via, vegnì; andemo tutte.
Gasparina. Zta beno in caza le fanciulle putte.
Cavaliere. Non si conclude nulla.
Gasparina. Dizè, zaveu cozza vol dir fanciulla?
Gnese. Mi no lo so, sorella.
Gasparina. Oe, zior monzù, la ghe lo zpiega ella.

SCENA XI.

Fabrizio e detti.

Gasparina. Ecco zior barba zio.

Cavaliere. Servitore divoto.
Fabrizio. Padron mio.
Cosa si fa qui in strada?
Gasparina. Via, che el taza.
Me faralo nazar?³
Fabrizio. Subito in casa. (a Gasparina)
Cavaliere. Fate torto, signore,
Alla nipote vostra ch’è onestissima.
Fabrizio. Non vel fate più dir. (a Gasparina)
Gasparina. Zerva umilizzima. (al Cavaliere)

1. A capo tavola.
2. Guibert-Orgeas, Zatta ecc.: Povera zente zerto ecc.
3. V. scena VIII.