Zenero.
(a Anzoletto)
Anzoletto. Me chiameu?
Cate. El compare el gh’aveu?
Anzoletto. Mi no, no l’ho trovà.
Cate. Doveressimo tor quel che xe là.
Anzoletto. Mo, se no so chi el sia.
Cate. N’importa, za el va via;
Fenio sto carneval,
No lo vedemo più.
Anzoletto. No disè mal.
Cussì, quando le nozze xe fenie.
No gh’averò el compare per i pie.
Cate. Che ghel diga?
Anzoletto. Diseghelo.
Cate. L’è fatta. (piano a Lucietta)
La senta, sior paron, (al Cavaliere)
Ghe vôi dir do parole in t’un canton1.
Cavaliere. Son da voi, buona donna.
(s’accosta in disparte con donna Cate)
Anzoletto. (Una gran tribia2 che xe mia madonna!) (da sè)
Orsola. Disè, sior Anzoletto,
Quando magnemio sti confetti?
Lucietta. Presto.
Orsola. Oh, v’ho visto alla ciera.
Lucietta. Nevvero, fio? (ad Anzoletto)
Orsola. Quando sposeu?
Lucietta. Stassera.
Pasqua. (Tolè su; donna Cate
Un de sti dì la se pol maridar.
E mi ancora do anni ho da aspettar?) (da sè)
Cate. Putti, sto zentilomo
Sarà vostro compare,
Cavaliere. Sì signori,
- ↑ In disparte.
- ↑ Volpona.
