Pagina:Goldoni - Opere complete, Venezia 1911, XIII.djvu/328

322

ATTO SECONDO

Me fé rabbia anca vu.

Lucietta. Povero pampalugo¹ vien de su.
Zorzetto. Vegno. (va per entrare)

SCENA VI.

Anzoletto e detti.

Anzoletto. Indrio, sior scartozzetto². (dà una spinta a Zorzetto)

Lucietta. Che strambazzo!
Zorzetto. Cossa v’oi fatto?
Anzoletto. Indrio,
Che ve dago un schiaffazzo.
Zorzetto. Mo per cossa?
Lucietta. Vardè là che bel sesto!
Anzoletto. Senti, sastu? a sta porta
No ghe vegnir mai più.
Zorzetto. Che portava sto fior. Dèghelo vu. (getta il fiore in terra)
Anzoletto. a Lucietta sto fior?
Tocco de desgrazià.
Zorzetto. Siora mare, i me dà³.

SCENA VII.

Orsola sul pergola, e detti.

Orsola. Cossa te fai, fio mio?

Oe, lasse star mio fio.
Che, per diana de dia, se vegno zo,
Qualcossa su la testa ve darò.
Lucietta. Via, via, manco sussuro.
Anzoletto. Sto spuzzetta
No voggio che el ghe parla co Lucietta.
Zorzetto. Cossa m’importa a mi?

1. Scioccone; v. Patriarchi e Boerio.
2. «Fanciullo scriato, gracile e poco vegnente»: Boerio. Vedasi vol. II, p. 105. - Il verso qui non corre. Il Cameroni, l. c, corregge: scartozzo.
3. Mi battono, mi percuotono.