 |
Questa pagina è stata trascritta, formattata e riletta. | |
| 101 |
El gh’ha una mente lucida,
Un intelletto pronto,
Che tutto rende facile.
Che presto arriva al ponto.
El sa le cosse serie
Trattar con precision;
E po grazioso e lepido
El xe in conversazion.
Amigo sincerissimo,
De cuor e de bon fondo,
Che cerca, che desidera
Far ben a tutto el Mondo.
Temperamento fervido,
Che parla e che par bon,
Che va talvolta in collera,
Ma mai senza rason.
A comandar giustissimo.
Prontissimo al dover.
In casa soa filosofo,
E sempre cavalier.
Fatto el ritratto in piccolo.
Più a sguazzo che a pastela,
A vu ve lasso el merito
De insoazar la tela.
Dando a me Aurisbe il carico d’insoazar la tela, che vale a dire in buon Italiano formare la cornice al quadro, rispondendo io nel metro e nel vernacolo stesso, formai le stanze che seguono.
M’ha consola moltissimo,
Vero cussì, e ben fatto.
D’un Cavalier che venero
El nobile ritratto.
Ma se m’ave dà el carico
D’averlo a insoazar,
So le mie forze, e dubito
L’immagine guastar.
