 |
Questa pagina è stata trascritta, formattata e riletta. | |
| LE DONNE DE CASA SOA | 505 |
.jpg)
ATTO QUINTO.
SCENA PRIMA.
Altra camera in casa di Angiola.
Anzola ed Isidoro.
Anzola. Bravo, bravo dasseno; l’ha fatto molto presto.
Vardè che bell’anello! (Oh, el xe un omo de sesto).
(da sè)
Isidoro. Checchina dove star?
Anzola. La chiamerò. La diga,
Sior Isidoro caro, ghe piasela l’amiga?
Isidoro. Star bella; ma de bella tanto mi no importar.
So bontà, so modestia squasi... me innamorar.
Anzola. Ma però ghe xe el squasi. Che voi dir, el so cuor
Nol xe miga capace de concepir amor.
Isidoro. No star bestia; star omo.
