Pagina:Goldoni - Opere complete, Venezia 1911, XII.djvu/493

LE DONNE DE CASA SOA

487

ATTO QUARTO.

SCENA PRIMA.

Camera in casa del signor Gasparo.

Gasparo, poi Grillo.

Gasparo. Sta vita certo certo mi no la voggio far.

No so paron, co voggio, de béver e magnar:¹
La tien le chiave ella, la me fa sgangolir²;
E co no la xe a casa, se poderia morir.
No ghe xe un fià de gnente. S’ha magnà quel boccon;
S’ha disnà da rabbiosi, in pressa a strangolon³.
E adesso che xe tardi, a laorar me tocca
Per forza, senza gusto e col boccon in bocca.

1. L’ed. Pitteri ha il punto interrogativo.
2. «Morire di fame»: Cameroni, l. c. Sgangolir struggersi di desiderio, spasimare di che che sia: Patriarchi e Boerio.
3. In fretta, sì da soffocare.