 |
Questa pagina è stata trascritta, formattata e riletta. | |
| LE MASSERE | 195 |
.jpg)
ATTO QUINTO.
SCENA PRIMA.
Camera d’osteria.
Zanetta, Meneghina e donna Rosega.
Rosega. Putte, vegnì con mi, che riderè da bon.
Veggio certo che femo sta burla al mio paron.
Zanetta. Tocca a ti, Meneghina.
Meneghina. No vôi qualche desgrazia.
No ghe ne vôi saver.
Rosega. Tasi la, mala grazia.
Fa quel che digo mi, e no te indubitar.
Quando vien sior Raimondo, tornete a inmascherar.
Sta sulle toe un pochette, e po cussì e cussì;
No te indubitar gnente, lasseme far a mi.
