Parvi che giusto i’ pensi? trovate in questi accenti
La ragione, il consiglio, dell’uomo i sentimenti?
No, fuor di me non sono; d’errar non ho timore:
Il cuor non mi consiglia; parla ragione al cuore.
Tomio. No dirò, caro amigo, che siè fora de ton;
Pensè, parlè pulito; par che gh’abbiè rason.
Ma con quattro parole, se me ascoltè, me impegno
Destruzer i argomenti fatti dal vostro inzegno.
Se andè via, no xe vero che reo siè dichiarà:
Napoli, podè dir, Venezia m’ha invidà.
Questa xe cossa chiara, questo xe un fatto certo,
Che della maldicenza pol metterve al coverto.
Dubitè che i nemici rida co sè andà via?
Podè mortificarli, se fussi anca in Turchia.
Anzi co sè lontan, podè con libertà
Dir le vostre rason, più assae che no fè qua.
El vostro bel poema toccar no ve conseggio;
Co le cosse sta ben, se fa mal per far meggio;
Ma quando che gh’abbiè sta tal malinconia,
Per tutto podè farlo: scrivere in casa mia.
All’ultimo argomento sentì cossa respondo:
O xe vero, o xe falso quel che sospetta el mondo:
Se amè, colla partenza se modera l’affetto;
Se non amè, più presto se modera el sospetto.
Lassè che tutti diga, e vegnì via con mi:
No sol le maraveggie durar più de tre dì.
Risolti i tre argomenti, vegno alle persuasive;
Pensemo a viver meggio quel poco che se vive.
Qua gh’è, per quel che sento, un mar de diavolezzi;
Vu gh’averè a Venezia quiete, decoro e bezzi.
Pesè l’un, pesè l’altro, siè de vu stesso amante.
Finirò el mio discorso, come fenisse Argante:
«Tua sia l’elezione; or ti consiglia
«Senz’altro indugio, e qual più vuoi ti piglia.
Torquato. Son le ragioni vostre convincenti, il confesso;
