 |
Questa pagina è stata trascritta, formattata e riletta. | |
| IL GELOSO AVARO | 35 |
Traccagnino. Come savè che ghe sia sto buso? Mi no l’ho visto.
Pantalone. El ghe xe; l’ho fatto mi. Va subito, che te aspetto.
Traccagnino. Vado. (Vardè, se l’è maledetto: el va a far un buso in te la porta, per spiar i fatti de so muier; e sì, el pol far quel che el vol, che se la muier ghe n’ha voia, no serve nè busi, nè cadenazzi). (da sè, parte)
SCENA VIII.
Pantalone, poi Traccagnino che torna.
Pantalone. Intanto finirò de pesar sti zecchini. Maledetta! in camera con un omo? Questo el xe rotto, bisogna darlo via presto, avanti ch’el se rompa affatto. Un omo in camera? Chi diavolo porlo esser? No crederave mai, che la me la fasse su i occhi. Sti do i pol passar per de peso, no i voggio metter in ti scarsi. Traccagnin no torna mai. Son impaziente de saver... Oh, questo cala pulito: questo bisognerà salvarlo per don Onofrio. Quello xe un omo da ben; el tol tutto quello che se ghe dà.
Traccagnino. Son qua. Ho vistu tutto. (correndo)
Pantalone. Férmete: non tanta furia. (copre l’oro)
Traccagnino. Indivinè mo chi l’è?
Pantalone. Chi xelo? (mette via i denari nella borsa)
Traccagnino. Indovinèlo. (s’accosta, guarda la borsa)
Pantalone. Tìrete in là.
Traccagnino. Mo l’è giusto...
Pantalone. Aspetta; (lega la borsa, e la ripone) adesso parla: chi elo colà che xe in camera con mia muggier? Presto, voggio saverlo.
Traccagnino. L’è so pader.
Pantalone. So padre?
Traccagnino. Sior sì, el sior dottor Balanzoni.
Pantalone. In casa mia no lo voggio. El vien a sollevar so fia. In casa soa, quando ghe giera Eufemia, se tegniva con-
