 |
Questa pagina è stata trascritta, formattata e riletta. | |
| 438 | ATTO PRIMO |
la mia marendina. Pacchiughi
1 de cuoghi mi no ghe ne magno. Magno roba bona, roba schietta, roba che cognosso e che no me fa mal. Questa xe la maniera de viver un pezzo, e de viver sani. Vu ai vostri zorni avè disordinà; e se no gh’averè giudizio, creperè.
Celio. (Sputa, si tasta il polso, e parte.)
SCENA IX.
Pantalone solo.
Da una banda el me fa da rider. Sempre el se tasta el polso, e col sente a minzonar o morti, o malattie, el spua. E sì anca elo un zorno el xe stà omo de mondo.
SCENA X.
Clarice ed il suddetto.
Clarice. Serva umilissima.
Pantalone. Patrona reverita.
Clarice. Non era qui il signor zio?
Pantalone. El giera qua. El se xe andà a vestir.
Clarice. Voleva dirgli una bella novità.
Pantalone. Possio saverla mi sta novità?
Clarice. O sì, signore. La novità è questa. Il signor Fiorindo vuol ritornare a Livorno con sua sorella.
Pantalone. Ghe despiase che sior Fiorindo vaga a Livorno?
Clarice. Mi dispiacerebbe per causa di sua sorella.
Pantalone. Per causa della sorella, o per causa del fradello?
Clarice. A me mi preme la sorella.
Pantalone. Ma la sorella senza del fradello no la pol star.
Clarice. Vorrei che restassero tutti due.
Pantalone. Védela se l’ho indivinada? Mi co vardo una donna in ti occhi, so subito cossa che la vol.
- ↑ Pacchiugo, broda, miscuglio, cosa mal fatta: v. Boerio.
