 |
Questa pagina è stata trascritta, formattata e riletta. | |
| 428 | ATTO PRIMO |
Ottavio. Che punto in faccia? Siete voi1 baratore.
Martino. A mi barador? De sta parola me ne rendere conto.
Pantalone. Via, molèghe2, sior Martin, molèghe.
Ottavio. Son capace di darvi qualunque soddisfazione.
Pantalone. Sior foresto, no la se scalda.
Ottavio. La spada la so tenere in mano.
Pantalone. Vardè, se passasse quel della semola3.
Martino. Ve la magnerò quella spada.
Pantalone. Cavève, sior buio magro. (a Martino)
Martino. Sior Pantalon, co mi no ve ne impazzè.
Pantalone. Coss’è, ve bruselo quel ducato che avè perso?
Ottavio. Colui è un briccone. (a Pantalone)
Martino. A mi briccon? (mette mano a uno stile)
Pantalone. Via, sier canapiolo4. (con un pugnale lo fa star indietro)
Ottavio. Ti ucciderò. (mette mano alla spada)
Pantalone. Alto là, patron. (si mette contro Ottavio)
Martino. Vien avanti.
Pantalone. Cavève. (a Martino)
Martino. Son capace...
Pantalone. Cavève, ve digo. (minacciandolo)
Martino. Anca vu contro la patria?
Pantalone. No xe vero gnente. Son un bon venezian. Per i mii patrioti son capace de farme taggiar a tocchi, ma no posso soffrir che un Venezian fazza una mala grazia a un foresto. Gh’avè torto, sior. Gh’avè vadagnà i bezzi, e l’avè piantà malamente. No digo che fussi obbliga a mantegnirghe ziogo sulla parola; ma a un omo che ha perso, a un omo che xe caldo dal zogo, no se ghe parla cussì. El ponto in fazza? El stiletto in man? I omeni onorati no i fa cussì.
Martino. Voggio i mi quaranta ducati.
Pantalone. Adesso no i podè pretender; doman la discorreremo.
Martino. Vu no gh’intrè per gnente. (a Pantalone)
Pantalone. Se no gh’intro, ghe voggio intrar; e andè via de qua.
