 |
Questa pagina è stata trascritta, formattata e riletta. | |
| 264 | ATTO SECONDO |
SCENA IX.
Brighella e Traccagnino.
Brighella. Eccellenza.
Traccagnino. Con chi parlistu?
Brighella. Col to patron, che el me voleva dar una doppia, e sul più bello ti è arriva ti, ti gh’ha parlà sulla man, e la doppia l’è andada in fumo.
Traccagnino. El gh’ha rason, se nol t’ha dà la doppia.
Brighella. Per cossa?
Traccagnino. Ti lo burli.
Brighella. Lo burlo? Come?
Traccagnino. Ti ghe dà dell’eccellenza.
Brighella. Mo ghe vala, o no ghe vala?
Traccagnino. Mi non ho mai provà.
Brighella. Da mi el l’ha volesta.
Traccagnino. E ti ti ghe l’ha dada.
Brighella. Per quel che la me costa.
SCENA X.
Argentina e detti.
Argentina. Animo, Brighella, presto, andate a mettere in tavola.
Brighella. È vero che gh’è dei sussurri?
Argentina. È accomodata ogni cosa.
Brighella. Dìsnelo qua el sior Ottavio?
Argentina. Sì; resta egli ed il signor Fiorindo.
Brighella. Vado subito.(Finchè la memoria l’a fresca, no perdemo de vista la doppia). (da sè, parte)
SCENA XI.
Argentina e Traccagnino.
Traccagnino. El resta qua donca el me padron?
Argentina. Sì, ve l’ho detto. Ci resta.
Traccagnino. Donca resterò anca mi.
