 |
Questa pagina è stata trascritta, formattata e riletta. | |
| IL GELOSO AVARO | 35 |
Traccagnino. Sior patron.
Pantalone. Cossa gh’è?
Traccagnino. Cattive nove.
Pantalone. Nove cattive? de cossa?
Traccagnino. Per dirghela in confidenza, ho trova Brighella me paesan, e el m’ha dit certe cosse che no capisso, de querela, de quattrin, de lusuria...
Pantalone. D’usura?
Traccagnino. Gnor sì, e i dis cussì che a vussignoria i ghe forma un possesso.
Pantalone. Come un possesso? Ti vorrà fursi dir un processo.
Traccagnino. Sior sì; za mi no so cossa che el voggia dir.
Pantalone. Poveretto mi! Presto, dighe a mia muggier che la vegna qua.
Traccagnino. Com’ala da far a vegnir, se l’è serrada in camera?
Pantalone. Ah sì: tien le chiave. Averzi, e dighe che la vegna qua.
Traccagnino. (Vardè che matto! El serra la muggier in camera per paura dell’onor. Nol sa che l’onor l’è come el vento, che el va fora per tutti i busi). (da sè, parte)
SCENA IV.
Pantalone, poi donna Eufemia.
Pantalone. Mi no dago fastidio a nissun, e tutti me vol mal. Se i se lamenta che fazzo qualche vadagno sulle imprestanze dei mi bezzi, perchè vienli a seccarme per levarmeli dalle man? I vorria che ghe donasse el frutto, el capital, el cuor, la coraella, e el diavolo che li porta quanti che i xe, sti avari malignazi.
Eufemia. Son qui, signor consorte: la ringrazio che mi ha fatto aprire. (con un poco di sdegno ironico)
Pantalone. Le cosse preziose le se custodisse con zelosia.
Eufemia. Questo torto io non me l’aspettava.
Pantalone. L’ho fatto... So mi perchè l’ho fatto.
Eufemia. Una moglie onorata non ha bisogno d’esser rinchiusa.
